Cuir tagradh a-steach: Comhaltachd Las (Ignite)

Tha tagraidhean airson Comhaltachd Las 2024 fosgailte gu Diciadain 18 an t-Sultain. Leugh na slatan-tomhais gu h-ìosal mus cuir thu a steach an tagradh agad.

Cuir tagradh a-steach

Tagraidhean

Cuir do thagradh a-steach air post-d gu [email protected](this link will open in a new window) le 'Comhaltachd Ignite 2024: D' ainm' san loidhne cuspair.

Ceann-ama: ro mheadhan-latha, Diciadain 18 an t-Sultain 2024.

Cha tèid beachdachadh air tagraidhean a gheibhear às dèidh a’ chinn-ama.

Bidh feum agad air an fhiosrachadh gu h-ìosal a thoirt dhuinn (faodaidh tu do thagradh a shàbhaladh uair sam bith):

• Fiosrachadh pearsanta.
• An eachdraidh foillseachaidh agad (500 facal aig a' char as àirde).
• Aithris mun phròiseact agad (200 facal aig a' char as àirde).
• D' adhbharan airson tagradh, le iomradh air prìomh raointean leasachaidh a dh'fhaodadh a bhith ann (500 facal aig a’ char as àirde).
• Eisimpleir den sgrìobhadh agad. Faodaidh seo a bhith bho phìos sgrìobhaidh a tha foillsichte a-cheana, obair a tha fhathast a' dol air adhart, no measgachadh de na dhà. Bu mhath leis a' phannal earrann fhaicinn bhon phròiseact air a bheil thu airson obrachadh, ach tha sinn a' tuigsinn nach bi seo comasach an-còmhnaidh agus gabhar ri sampaill eile. (Faid: 3,500 facal de rosg, mu 10 duilleagan de bhàrdachd, mu 15 duilleagan de sgriobt).
• Ma tha an sampall agad mar earrann bho obair nas fhaide, cuir a-steach geàrr-iomradh dheth. Bu chòir do bhàird iomradh goirid a chur a-steach mun chruinneachadh a tha iad a' moladh (500 facal aig a' char as àirde).

Ma tha ceistean sam bith agad, cuir post-d gu [email protected].(this link will open in a new window)

Slatan-tomhais

Tha Duais Las a' cur taic ri sgrìobhadair stèidhichte a tha a' tòiseachadh no ag obair air pròiseact cudromach. Faodaidh tu tagradh a chur a-steach, ma tha thu:

• Stèidhichte ann an Alba.
• Fileanta ann an Gàidhlig
• Nad sgrìobhadair stèidhichte, neach-dèanamh chomaigean, bàrd, sgeulaiche, dealbhadair neo dràmadair (Bu chòir do dhràmadairean a tha a' coimhead airson taic le obair theatair, coimhead ri cothroman a tha rim faotainn aig Stiuidio Dhràmadairean Alba).
• Coileanadh shlatan-tomhais airson Litreachas Beò ('Live Literature' – an sgeama againn). Chan fheum thu a bhith clàraichte air 'Live Literature', dìreach coileanadh nan slatan-tomhais.

Tha thu di-beathte tagradh a chur a-steach ma tha thu air taic fhaotainn bho Urras Leabhraichean na h-Alba no Comhairle nan Leabhraichean roimhe, a' gabhail a steach Duaisean nan Sgrìobhadairean Ùra.

Chan urrainn dhut duais Las fhaotainn ma tha thu a' faotainn maoineachadh don phròiseact mar-thà bho Alba Chruthachail.

Pannal breithneachaidh

Bidh buill Comataidh nan Tabhartas, Comhairle nan Leabhraichean, a' toirt sùil air tagraidhean a gheibh iad bho Urras Leabhraichean na h-Alba (bidh Urras Leabhraichean na h-Alba a' coimhead orra an toiseach).