Mind that time we spent oor lunch break doon the toon in Killie buying 50p bags ae chips, sauntering doon to see the lads and stuffing oor faces wae Woolworths pick n mix?
Mind that time we’d spend oor nights freezing cauld in the park, socks tucked into yer trackies and the lastest Dj Rankin blasting oot yin ae the Nokias?
Mind that time we’d run hame fae the toon centre tae Bellfield within quarter ae an hoor to make ma curfew and make sure i wisni grounded?
Mind that time we’d flirt oan msn, share love oan Bebo, and dipped oor toes into the world ae Myspace?
Mind that time yer pals were everything, and loyalty or location was the only thing that bound ye the gither?
Mind that time ye’d live fur the weekend in yer pal’s empty, waking up tae a banging heed, surrounded wae yer pals?
Mind that time it aww just came tae an end? Ye wer suddenly by wae hanging aboot the streets and somehow ended up haunding doon a joab and gawn to uni?
Always mind ae they times! Never let them go.