2009 Photie Competition

Winner - Kieran

Runner-Up - Jennifer

Runner-Up - Liam

In this competition we asked our poets to either take a picture or use a picture as inspiration for their poetry. Here are the winners:

Winner

Spyin' by Kieran, Greenwood Academy

Ah bide in the woods, it's a guid place tae be,
Ah flit intae the city tae see whit ah can see,
Ah'll be buzzin' roon the skies, chasin wee kimmers for ma tea.

When am flittin roon the buildin's, ah'll feel nae pity,
fur ma next bit ay prey, that am gonnae scoop up frae above.
A wee sparraw, a crraw or even a dove.

Best ay the Scottish hunters, ah never fail tae get ma denner.
Ma big yella' een will be watchin' ye,
It's fur the best if ye dinnae mess wi' me.

Runner-Up

T in the Park by Jennifer, Greenwood Academy

Hunners ae tourists, trampin' me doon.
Dauncin aboot tae the sound of the band.
Withoot a care in the world.
Naebudy notices whit they’re staunin’ oan.
Poor, auld, wee me.
Treat me like a coup, and throw they’re junk all over the place.
But you canny beat the atmosphere,
When the bands start playin’
An’ the crowds go pure mental!
An’ even though it has its downsides,
Its worth it, tae see the huge grins on their faces.
An’ the hilarity o’ the tummlin, hauntis drunken yins.
Fallin’ an’ trippin’ oor mought at aaw.
But that’s the point, int’it?
Tae have fun, without a care in the world.
Campin oot, ontoap ae me, when im all wet an’ clarty.
Then wakin’ up, and jumpi’ aboot tae the bands,
Who have came up tae bonnie Scotland,
For the festival we aaw luk forward tae,
In the cold, July sun.
‘Cause its never warm in Scotland.
But naebody cares.
Everyones too warm an’ sweaty
Fae jumpin’ aroon like loonies.
An’ then, at the end ae’ the weekend
They aaw’ pack up an’ go.
An leave me by masel’
But naeone cares.
Aifter aaw, naeone eer thinks aboot how I am
Um jist plain auld borin’ grass.

Runner-Up

Tennis Baw by Liam, Holy Cross High School

Ah am a Wimbledon tennis baw,
Ah wis in a tin Can sleeping wae ma brithers in Sports Direct.
We goat swept affy the shelf by Venus Williams.
 I dinny huv a clue where we were headit until she opened us up oan her scullery bunker . Lurking below wis her big dug, mairlike a hoond.
Wan o’ ma brers fell af the bunker and the dug goat it and chittled him tae death.
ME and ma other brers couldny bare tae luik at wan mair second of this tradgedy.
Venus  sauntered back tae the scullery,
sent the hoond oot and binned ma brer,
the slevvered Eric.
She aboot turned and grabbed ma bawheed and went ootside
wae jist me and her new tennis bat.
It was a braw  Wilson K Blade.

She throo me up in the sir and as ah came plumitin doon tae earth,
BANG, ah went skiteing  o’er the net
and ah landed in the serve boax,
ah hud jist aced her sister.